ന്യൂഡെല്ഹി: സര്കാര് ഇടപാടുകള് കൈകാര്യം ചെയ്യുന്ന പൊതു-സ്വകാര്യ മേഖലാ ബാങ്കുകള് മാര്ച് 31 തുറക്കും. മാര്ച് 31 ന് ഞായറാഴ്ചയാണെങ്കിലും എല്ലാ ബാങ്ക് ശാഖകളും തുറന്ന് പ്രവര്ത്തിക്കാന് ആര്ബിഐ നിര്ദേശിച്ചു. 2023, 2024 സാമ്പത്തിക വര്ഷത്തെ പണമിടപാടുകള് പൂര്ത്തിയാക്കാനാണ് മാര്ച് 31 പ്രവൃത്തി ദിനമാക്കിയത്. നടപ്പ് സാമ്പത്തിക വര്ഷത്തിലെ അവസാന ദിവസം ഞായറാഴ്ചയായ പശ്ചാത്തലത്തിലാണ് പ്രത്യേക നിര്ദേശം.
റിസര്വ് ബാങ്കിന്റെ ഏജന്സി ബാങ്കുകളില്പെട്ട ബാങ്കുകള്ക്കാണ് നിര്ദേശം ബാധകമാവുക. റിസര്വ് ബാങ്കിന്റെ ഏജന്സി ബാങ്കുകളില് പെട്ട പൊതു, സ്വകാര്യ ബാങ്കുകള്ക്കാണ് നിര്ദേശം. ഈ ബാങ്കുകളുടെ എല്ലാ ബ്രാഞ്ചുകളും തുറക്കാനാണ് ഉത്തവിട്ടിരിക്കുന്നത്.