മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തും. സിപിഐഎം പോളിറ്റ് ബ്യൂറോ മീറ്റിങ്ങിനായി നാളെ ദില്ലിയില് എത്തുന്ന മുഖ്യമന്ത്രി തൊട്ടടുത്ത ദിവസങ്ങളില് പ്രധാനമന്ത്രിയെ കാണാനായിട്ടാണ് അനുമതി നേടിയിട്ടുള്ളത്.
സംസ്ഥാനത്തിന്റെ വികസനത്തിന് നാഴികക്കല്ലാവുന്ന കെ- റെയിൽ പദ്ധതിയെ കുറിച്ചുള്ള ആശങ്കകൾ പരിഹരിക്കുന്നതിനുള്ള ചർച്ചകൾ കൂടിക്കാഴ്ചയിൽ നടത്തും. സംസ്ഥാനത്തിന്റെ സാമ്പത്തിക വളർച്ചയ്ക്കും ജനങ്ങളുടെ ജീവിതനിലവാരം ഉയര്ത്താനും വഴിയൊരുക്കുന്നതുമായ പദ്ധതിക്ക് കേന്ദ്രത്തിന്റെ കൂടുതൽ സഹായമടക്കമുള്ള ആവശ്യങ്ങൾ മുഖ്യമന്ത്രി പ്രധാനമന്ത്രിയെ അറിയിക്കും.
ബഫര് സോണ്, കെ- റെയില് ഉള്പ്പെടെയുള്ള വിഷയങ്ങള് പ്രധാനമന്ത്രിയുമായുള്ള കൂടിക്കാഴ്ചയില് ചര്ച്ചയാകുമെന്നാണ് വിവരം. ചൊവ്വാഴ്ചയും ബുധനാഴ്ചയുമാണ് സിപിഎം പോളിറ്റ് ബ്യൂറോ യോഗം.