ദില്ലി: നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസസ് (NBEMS) NEET PG 2023-ന്റെ ആപ്ലിക്കേഷൻ വിൻഡോ ഫെബ്രുവരി 9-ന് natboard.edu.in-ൽ വീണ്ടും ഓപ്പൺ ചെയ്യും. എംബിബിഎസ്, ബിഡിഎസ് ഇന്റേൺഷിപ്പ് സമയ പരിധി നീട്ടിയ സാഹചര്യത്തിലാണ് ഈ നടപടി.
ഓഗസ്റ്റ് 11 വരെ എംബിബിഎസ് ഇന്റേൺഷിപ്പ് പൂർത്തിയാക്കുന്ന ഉദ്യോഗാർത്ഥികൾക്ക് ഈ വിൻഡോയിലൂടെ ബിരുദാനന്തര പ്രവേശന പരീക്ഷയ്ക്ക് അപേക്ഷിക്കാം. നീറ്റ് പിജിയുടെ ഈ ആപ്ലിക്കേഷൻ വിൻഡോ ഇന്ന് ഉച്ചകഴിഞ്ഞ് 3 മണിക്ക് ഓപ്പണാകും.
ഫെബ്രുവരി 12 ന് രാത്രി 11:55 ന് അവസാനിക്കുകയും ചെയ്യും. എഡിറ്റ് വിൻഡോ ഫെബ്രുവരി 15 ഓപ്പണാകും. ഫെബ്രുവരി 20 വരെയാണ് എഡിറ്റ് ചെയ്യാനുള്ള അവസാന തീയതി.
