മയ്യഴി: ഒന്നാംഘട്ട ലോക്സഭാ തിരഞ്ഞെടുപ്പിന്റെ ഭാഗമായി മാഹി ഉള്‍പ്പെടെയുള്ള പുതുച്ചേരി മണ്ഡലത്തിലെ വോട്ടര്‍മാര്‍ വിധിയെഴുതി തുടങ്ങി.
മാഹിയില്‍ ആകെയുള്ള 31,038 വോട്ടര്‍മാരില്‍ 16,675 പേര്‍ വനിതകളാണ്. 14,363 പുരുഷ വോട്ടര്‍മാരുണ്ട്. പുരുഷന്മാരെക്കാള്‍ 2312 വനിതാ വോട്ടര്‍മാര്‍ കൂടുതലാണ്. മാഹിയില്‍ ഇന്ത്യാ സഖ്യ സ്ഥാനാര്‍ഥി വി. വൈദ്യലിംഗവും എന്‍.ഡി.എ. സ്ഥാനാര്‍ഥി എ. നമശിവായവും തമ്മിലാണ് പ്രധാനമത്സരം. യുണൈറ്റഡ് റിപ്പബ്ലിക്കന്‍ പാര്‍ട്ടി ഓഫ് ഇന്ത്യയുടെ സ്ഥാനാര്‍ഥി കെ. പ്രഭുദേവനെയാണ് സി.പി.എം. പിന്തുണയ്ക്കുന്നത്.
രാവിലെ ഏഴു മുതല്‍ വൈകുന്നേരം ആറു വരെയാണ് പോളിംഗ്. ബൂത്തുകളില്‍ സുരക്ഷയ്ക്കായും വനിതാ പോലീസിനെയാണ് വിന്യസിക്കുന്നത്. മാഹിയില്‍ വനിതാ പോലീസിന്‍റെ എണ്ണം കുറവായതിനാല്‍ കേരളത്തില്‍ നിന്നുള്ള വനിതാ പോലീസിനെയും ഉപയോഗപ്പെടുത്തുന്നുണ്ട്
