തിരുവനന്തപുരം: സംസ്ഥാനത്തെ ഹയര്‍സെക്കന്‍ഡറി, വി.എച്ച്.എസ്.ഇ പരീക്ഷകള്‍ക്ക് തുടക്കമായി. രാവിലെ 9.30നാണ് പരീക്ഷകള്‍ ആരംഭിച്ചത്. മാര്‍ച്ച് 30നാണ് ഹയര്‍സെക്കന്‍ഡറി പരീക്ഷ പൂര്‍ത്തിയാകുക. 80 ക്യാമ്പുകളിലായി ഏപ്രില്‍ മൂന്ന് മുതല്‍ മെയ് ആദ്യ വാരം വരെ മൂല്യനിര്‍ണ്ണയം നടക്കും. ഒന്ന് മുതല്‍ ഒമ്പത് വരെ ക്ലാസുകളിലെ കുട്ടികളുടെ വാര്‍ഷിക പരീക്ഷ മാര്‍ച്ച് 13-ന് ആരംഭിക്കും.
എസ്എസ്എല്‍സി പരീക്ഷ ഇന്നലെ തുടങ്ങിയിരുന്നു. മലയാളം, സംസ്‌കൃതം, അറബി തുടങ്ങിയ ഭാഷാ വിഷയങ്ങള്‍ പതിവുപോലെ വിദ്യാര്‍ത്ഥികള്‍ അനായാസമെഴുതി. മോഡല്‍ പരീക്ഷാ മാതൃകയിലുള്ള ചോദ്യങ്ങളും പാഠപുസ്തകത്തിനകത്ത് ഒതുങ്ങി നിന്ന വിഷയങ്ങളുമായതിനാല്‍ വേനല്‍ച്ചൂടിലും കൂളായി പരീക്ഷ എഴുതാന്‍ വിദ്യാര്‍ത്ഥികളായി.
