സാമൂഹിക ലിങ്കുകൾ

News Updates
പൂരാവേശത്തിൽ തൃശൂർ; തൃശൂർ പൂരത്തിന് കൊടിയേറിപടക്കവുമായി തീവണ്ടിയിൽ യാത്ര വേണ്ട; പിടിച്ചാൽ മൂന്നു വർഷം വരെ തടവ്കേരളത്തിൽ വേനൽമഴ കനക്കും; നാല് ജില്ലകളിൽ യെല്ലോ അലേർട്ട്പാനൂര്‍ ബോംബ് സ്‌ഫോടനം; അഞ്ച് പ്രതികളുടെ ജാമ്യാപേക്ഷ കോടതി ഇന്ന് പരിഗണിക്കുംസംസ്ഥാനത്ത് വിഷു ചന്തകള്‍ ഇന്ന് മുതല്‍കണ്‍സ്യൂമർ ഫെഡിന് ആശ്വാസം; റമദാൻ- വിഷു ചന്തകൾ തുടങ്ങാൻ ഹൈക്കോടതിയുടെ അനുമതിറിയാസ് മൗലവി വധക്കേസിൽ വിധി പറഞ്ഞ ജഡ്ജിക്ക് സ്ഥലംമാറ്റംലോക്‌സഭ തെരഞ്ഞെടുപ്പ്; ഏപ്രിൽ 26ന് സ്വകാര്യ ജീവനക്കാർക്കും അവധിവ്രതശുദ്ധിയുടെ നിറവിൽ സംസ്ഥാനത്ത് ഇന്ന് ചെറിയ പെരുന്നാൾയുവ മലയാള നടൻ സുജിത്ത് രാജ് കൊച്ചുകുഞ്ഞ് വാഹനാപകടത്തിൽ മരിച്ചു

മുഖ്യമന്ത്രി പിണറായി വിജയന് ഇന്ന് എഴുപത്തി എട്ടാം പിറന്നാൾ

മുഖ്യമന്ത്രി പിണറായി വിജയന് ഇന്ന് എഴുപത്തി എട്ടാം പിറന്നാൾ. തുടർഭരണമെന്ന ചരിത്രനേട്ടത്തിലേക്ക് എൽഡിഎഫിനെ നയിച്ച മുഖ്യമന്ത്രി. പ്രതിസന്ധി ഘട്ടങ്ങളിലെല്ലാം കരുത്തോടെ, കരുതലോടെ പാർട്ടിയെ തോളിലേറ്റിയ സിപിഐഎം നേതാവ്. പ്രളയം, നിപ്പ, കൊവിഡ് തുടങ്ങിയ സമാനതകളില്ലാത്ത ദുരിതങ്ങളിൽ മലയാളിക്ക് കൈത്താങ്ങായി നിലകൊണ്ട ക്യാപ്റ്റനാണ് പിണറായി വിജയൻ.

കേരളത്തിൽ കമ്മ്യൂണിസ്റ്റ് പാർട്ടി പിറവി കൊണ്ട കണ്ണൂർ പിണറായിയിലെ മുണ്ടയിൽ കോരന്റേയും കല്യാണിയുടേയും പതിനാമത്തെ മകൻ, കഷ്ടപ്പാടുകളുടെ ബാല്യകൌമാരങ്ങൾ താണ്ടി മുഴുവൻസമയ രാഷ്ട്രീയപ്രവർത്തകനാകുമ്പോൾ പ്രായം പതിനേഴ്. 1097ൽ ഇരുപത്തി ആറാം വയസ്സിൽ കൂത്തുപറമ്പ് എംഎൽഎ. 2016ൽ ധർമടത്തുനിന്ന് ജയിച്ച് പതാനാലാമത് കേരള മുഖ്യമന്ത്രി. ഒന്നാം പിണറായി സർക്കാർ ചുമതലയേൽക്കുന്നതിന്റെ തലേന്നാളാണ് കേരളക്കര പിണറായി വിജയന്റെ ജന്മദിനം എന്നാണെന്ന് അറിയുന്നത്.

കൊവിഡ് കാലത്ത് എല്ലാ ദിവസവും വൈകിട്ട് ആറ് മണിക്ക് വിളിച്ചുചേർത്ത വാർത്താസമ്മേളനം പിണറായി വിജയൻ എന്ന മുഖ്യമന്ത്രിയെ ഏറെ ജനപ്രിയനാക്കി. പ്രതിപക്ഷത്തെ വല്ലാതെ അങ്കലാപ്പിലാക്കിയ നീക്കം. കൃത്യം 7 മണിക്ക്, ഇന്നിത്രയും മതി എന്നുപറഞ്ഞ മൈക്ക് ഓഫാക്കുന്ന നേതാവിനെ കേരളത്തിന് അത്ര പരിചിതമായിരുന്നില്ല.
മാധ്യമങ്ങൾ നിരന്തരം വേട്ടയാടിയപ്പോഴും അചഞ്ചലനായി നിലകൊണ്ട നേതാവ്. മാധ്യമപ്രവർത്തകരെ കൃത്യമായ അകലത്തിൽ നിർത്തിയ ആപൂർവരാഷ്ട്രീയ പ്രവർത്തകൻ. ആരോപണങ്ങളും കേസുകളുമെല്ലാം സധൈര്യം നേരിട്ട ഭരണാധികാരിയാണ് അദ്ദേഹം.

നാടിന്റം സമഗ്രമായ വികസനത്തെ സംബന്ധിച്ച് കൃത്യമായ കാഴ്ചപ്പാടുള്ള നേതാവെന്ന് വിമർശകർ പോലും അംഗീകരിച്ച മുഖ്യമന്ത്രി. പൊതുവേ കാർക്കശ്യക്കാരൻ എന്നത് പരിവേഷം മാത്രമാണെന്നാണ് അടുപ്പമുള്ളവരുടെ അനുഭവം. അധികാരം മനുഷ്യനെ അഹങ്കാരിയാക്കി മാറ്റാറുണ്ട് എന്ന ചൊല്ലിനും പിണറായി വിജയന്റെ കാര്യത്തിൽ പ്രസക്തിയില്ല. കാരണം അന്നും ഇന്നും സഖാവ് ഇങ്ങനെയൊക്കെത്തന്നെ.

അതേസമയം പതിവ് പോലെ ആഘോഷങ്ങളിലാതെയാണ് മുഖ്യമന്ത്രിക്ക് പിറന്നാൾ ദിനം. രാവിലെ മന്ത്രിസഭാ യോഗവും പിന്നീട് ചില പൊതുപരിപാടികളും തലസ്ഥാനത്തുണ്ട്. പിണറായി മുഖ്യമന്ത്രിയായി അധികാരത്തിലെത്തിയിട്ട് നാളെ 7 വർഷം പൂർത്തിയാകുകയാണ്.