സാമൂഹിക ലിങ്കുകൾ

News Updates
തോരാമഴ , ഒരു മരണം കൂടി; ഇന്ന് രണ്ടിടത്ത് റെഡ് അലര്‍ട്ട്കനത്ത മഴ; എയർ ഇന്ത്യ എക്സ്പ്രസ് കണ്ണൂരിലിറക്കാനായില്ലകണ്ണൂരിൽ ഒരാൾ കൂടി വെള്ളക്കെട്ടിൽ വീണ് മരിച്ചുകണ്ണൂരിൽ വെള്ളക്കെട്ടിൽ വീണ് 51കാരി മരിച്ചുടി.പി കേസ്; കുഞ്ഞനന്തന്റെ ഭാര്യയുടെ ഹര്‍ജിയില്‍ സംസ്ഥാന സര്‍ക്കാറിന് നോട്ടീസയച്ച് സുപ്രീം കോടതിസംസ്ഥാന ചലച്ചിത്ര പുരസ്‌കാരം; മത്സരിക്കാനൊരുങ്ങുന്നത് 160 സിനിമകള്‍കണ്ണൂരിൽ പെട്രോൾ പമ്പ് ജീവനക്കാരനെ കാറിടിച്ച് കൊല്ലാൻ ശ്രമിച്ച കേസ്; പോലീസുകാരൻ അറസ്റ്റിൽകണ്ണൂര്‍ ആസ്റ്റര്‍ മിംസില്‍ പ്ലാസ്റ്റിക് സര്‍ജറി ക്യാമ്പ്നിയമസഭാ ഉപതെരഞ്ഞെടുപ്പിൽ ഇൻഡ്യാ മുന്നണിയുടെ തേരോട്ടം 13 ൽ 12 ഇടത്തും മുന്നിൽകണ്ണൂരിൽ നിധിയെന്ന് കരുതുന്ന വസ്തുക്കൾ കണ്ടെത്തി

ഗതാഗതക്കുരുക്കിൽ വലഞ്ഞ് താമരശ്ശേരി ചുരം

താമരശ്ശേരി ചുരത്തിൽ ഇന്നലെ തുടങ്ങിയ ഗതാഗതക്കുരുക്കിന് ഇന്നും ശമനമില്ല. അവധി ദിനം പ്രമാണിച്ച് യാത്രക്കാരുടെ എണ്ണം കൂടിയതാണ് ഗതാഗതക്കുരുക്കിന് കാരണം. പൂജ അവധിയാഘോഷത്തിനായി വിനോദസഞ്ചാരികള്‍ വയനാട്ടിലേക്ക് കൂട്ടമായി തിരിച്ചതോടെ താമരശേരി ചുരത്തില്‍ ഇന്നും ഗതാഗതക്കുരുക്ക് രൂക്ഷമായി. ഇന്നലെ വൈകുന്നേരം എട്ടാം വളവില്‍ ലോറി കുടുങ്ങിയതോടെയാണ് ചുരത്തിലുടെയുള്ള ഗതാഗതം പ്രതിസന്ധിയിലായത്.

ക്രെയിനിന്‍റെ സഹായത്തോടെ മണിക്കൂറുകള്‍ നീണ്ട പരിശ്രമത്തിനൊടുവിലാണ് ചുരത്തിന്റെ എട്ടാം വളവിൽ നിന്ന് ലോറി നീക്കം ചെയ്തത്. വാഹനങ്ങൾ വരി തെറ്റിച്ച് കൊണ്ട് ഓവർടേക്ക് ചെയ്യാൻ ശ്രമിച്ചതും ഗതാഗതക്കുരുക്കിന് കാരണമായി. അടിവാരം മുതൽ വൈത്തിരി വരെയുള്ള ഭാഗത്ത് ഇന്നലെ സ്ത്രീകളും കുട്ടികളും അടങ്ങുന്ന നിരവധി യാത്രക്കാരാണ് ഗതാഗതക്കുരുക്കിനെ തുടർന്ന് വാഹനങ്ങളിൽ കുടുങ്ങി കിടന്നിരുന്നത്. വാഹനങ്ങളുടെ എണ്ണം ക്രമാധീതമായി വര്‍ധിക്കുന്നതാണ് കുരുക്കഴിക്കുന്നതിന് തിരിച്ചടിയായി തുടരുന്നത്. ഗതാഗത നീക്കം പുനസ്ഥാപിക്കുന്നതിനുള്ള ശ്രമവുമായി പൊലീസും എന്‍ഡിആര്‍എഫ് സംഘവും സജീവമായി രംഗത്തുണ്ട്.