തിരുവനന്തപുരം: ക്രിമിനലുകളെ കേരള പൊലീസില് വച്ചുപൊറുപ്പിക്കില്ല എന്നതാണ് സര്ക്കാര് നയമെന്ന് മുഖ്യമന്ത്രി പിണറായി വിജയന്. മികച്ച ക്രമസമാധാന പാലനശേഷി, കുറ്റകൃത്യങ്ങള് കണ്ടെത്തുന്നതിലും തടയുന്നതിലുമുള്ള മികവ്, ആധുനിക സാങ്കേതികവിദ്യ ഉപയോഗപ്പെടുത്തി പൊതുജനസേവനം നടത്താനുള്ള പ്രാപ്തി, മയക്കുമരുന്ന് വ്യാപനം തടയുന്നതിലുള്ള ആര്ജ്ജവം എന്നിവയെല്ലാം ഇന്നത്തെ കേരള പൊലീസിന്റെ പ്രത്യേകതകളാണ്. ഈ നിലയില് പ്രകടമായ മാറ്റം ഇന്ന് കേരള പൊലീസില് ദൃശ്യമാണ്.
ജനസൗഹൃദ സേവനം ഉറപ്പാക്കി കേരള പൊലീസ് മുന്നേറുമ്പോഴും ഏതാനും ചില ഉദ്യോഗസ്ഥര് സേനയുടെ വിശ്വാസ്യത കളങ്കപ്പെടുത്തുന്ന പ്രവൃത്തികളില് ഏര്പ്പെടുന്നതായി ശ്രദ്ധയില്പ്പെട്ടിട്ടുണ്ട്. ക്രിമിനല് വാസനകളുള്ള ഇത്തരം ഉദ്യോഗസ്ഥരെ ഘട്ടം ഘട്ടമായി സേനയില് നിന്നും പുറത്താക്കുന്നതിന് ശക്തമായ നടപടികളാണ് സര്ക്കാര് സ്വീകരിച്ചിട്ടുള്ളത്
![samakalikamalayalam](https://gumlet.assettype.com/samakalikamalayalam/2024-01/0e31104d-ac2a-4e33-be41-73347815000b/samakalikamalayalam_white.png)